УИХ-ын гишүүн Б.Пүрэвдорж цаг үеийн асуудлаар мэдээлэл хийлээ.
Энэ тухай хэлэхдээ, “Миний бие өнгөрсөн НӨАТ-ыг 10 байсныг 5 хувь болгох саналыг өргөн барьсан. Эцсийн татвар төлөгч нь иргэд байдаг. Дэлгүүрээс худалдан авалт хийж буй иргэд НӨАТ төлөгч юм. Энэ НӨАТ-ын 10 хувийн татвар Монгол Улсын эдийн засаг, санхүүгийн байдалд үр дүнгээ өгсөн, үүргээ биелүүлсэн. Энэ татвар эдийн засагт хүндрэл учраагүй байхад аж ахуйн нэгжүүдэд хүндрэл учруулж байсан. Энэ үед НӨАТ-ын 10 хувийн буулгаж 5 хувь болгох нэн шаардлагатай байна. Эдийн засгийн хүндрэлтэй үед иргэдийн орлого байхгүй болж байсан. ААН-үүд ажилчдаа цомхотгож байна. Ерөнхийлөгч хэлсэн үгэндээ миний энэ саналыг дэмжсэн. Өнөөдөр жирийн иргэн хүн дэлгүүрээс 100 мянган төгрөгийн хүнс аваад 110 мянган төгрөгийг төлж байгаа. Хуульд өөрчлөлт оруулж НӨАТ-ыг бууруулах нэн шаардлагатай” гэлээ.