Улсын онцгой комисс хуралдаж, гадаадад байгаа иргэдээ хуваарийн дагуу "МИАТ" компанийн онгоцоор авчрахаар шийдвэрлээд байгаа. Ингэхдээ эхний ээлжинд өндөр настан, хөгжлийн бэрхшээлтэй, жирэмсэн, яаралтай хагалгаанд орох иргэдийг авчирахаа онцлоод байгаа. 

Харин гадаадад байгаа экс Ерөнхийлөгч Ц.Элбэгдорж энэ талаар байр сууриа илэрхийлэн, жиргэжээ. Тэрбээр "Нэн шаардлагатай иргэдээ авч ирнэ гэж УОК-оос мэдэгджээ. "Нэн шаардлагатай иргэд" гэдэгт миний бие багтана гэж итгэе. Зарим хурал уулзалт цуцлагдаж, хойшилж бас ажил цэгцэрч байна. Вирусийн тархалт ихтэй газраас холдоод, өөрийгөө карантилж хугацаа тоолоод, нутаг руугаа ойртож явна" хэмээн жиргэжээ.