УИХ-ын гишүүн асан Г.Уянга Нүүрномондоо дөнгөж сая ингэж мэдээллээ. Гэтэл иргэдэд шахмал түлштэй холбоотой мэдээллийг ил тод, нээлттэй хүргэхийн тулд албаны хүмүүс өдөр бүрийн өглөөний 10.00 цаг, өдрийн 16.00 цагаас мэдээлэл өгөхөөр болсон гээд байдаг. Тэр зарчмаараа өнөө өглөөний мэдээллийн үеэр урьд шөнийн байдлаар нийт 15 өрхийн 32 хүн хордсон гэх дуудлага өгснөөс хоёр том хүн, нэг хүүхэд хэвтэн эмчлүүлж байгааг мэдээлсэн. Зарим шинжилгээний хариу үдээс хойш гарна гэсэн байгаа. Тэгэхээр нас баралт, угаарын хийнд хордсон тухай мэдээллийг эмнэлгүүдэд чандлан нууцлахыг үүрэгдсэн нь ямар учиртай юм бол. Энэ талаар ЭМЯ-ны хэвлэлийн төлөөлөгчөөс тодруулахад “Тийм асуудал байхгүй” гэсэн хариу өгсөн юм.