Монголын Үндэсний бөхийн холбоо улсын цолтой 50-иас доош насны бөхчүүдийн эрэмбийг шинэчлэн тогтоожээ. Эрэмбийг албан ёсоор зарласан байна. Өнгөрсөн жилийн эрэмбээс энэ жилийн түрүү бөх Н.Батсуурь улсын арслан цолноос аварга цолтнуудын зургаад бичигдэж С.Мөнхбат аваргын дээр эрэмбэлэгдлээ. Улсын арслан, гарьдын эрэмбэд 2017 оны эрэмбэд өөрчлөлт ороогүй байна. Энэ жилийн наадамд шөвгийн дөрөвт үлдэж барилдсан Н.Жаргалбаяр заан амжилтаараа Ц.Мягмарсүрэн зааны өмнө бичигджээ. Н.Золбоо, Ш.Мөнгөнбаатар, Т.Бэгзсүрэн нарын шинэ харцагууд эрэмбэд орж ирсэн байна.