"Aladdin" уран сайхны кино нээлтээ хийсэн даруй “Box Office”-ийн жагсаалтыг тэргүүллээ. АНУ-ын ахмад дайчдын дурсгалыг хүндэтгэх өдрөөс өмнө буюу өнгөрсөн амралтын өдрүүдэд "Aladdin" кино 86.1 сая ам.долларын орлого олсон. 

"Aladdin" уран сайхны кино  183 сая ам.долларын төсвөөр бүтсэн киноны хувьд шинжээчдийн таамгаас хүрээгүй дүн болжээ. Хэдий тийм боловч “Aladdin” кино “Cinemascore”-оос "A" үнэлгээ авсан төдийгүй олон улсын орлого нь 207 сая ам.доллароор хэмжигдэж байна.