УИХ-ын Байнгын хороодын дарга нарыг нэг жилийн хугацаатай сонгож, нэг удаа улираан сонгох зохицуулалттай. 2017 онд томилогдсон зарим байнгын хороодын дарга нарын үүрэгт хугацаа өнгөрсөн намар дуусгавар болсон ч МАН-ын улс төржилтөөс болж одоо ч солигдоогүй хэд хэдэн байнгын хороодын дарга нар бий. Тиймээс одоо зарим байнгын хороодын дарга нарыг үүрэгт ажлаас нь чөлөөлөх, заримыг нь улираан сонгохоор яригдаж байна.

Тухайлбал, УИХ-ын Төрийн байгуулалтын байнгын хорооны дарга Д.Лүндээжанцанг чөлөөлж, түүний оронд УИХ-ын гишүүн С.Бямбацогтыг томилохоор МАН дотор “тохиролцсон” сурагтай. Мөн Байгаль орчин, хүнс, хөдөө аж ахуйн байнгын хорооны дарга Л.Элдэв-Очирыг чөлөөлж, түүний оронд УИХ-ын гишүүн Б.Батзоригийг томилох яриа ч байна. Харин Нийгмийн бодлого, боловсрол, соёл, шинжлэн ухааны байнгын хорооны даргаар УИХ-ын гишүүн Д.Оюунхоролыг томилжээ.