Төв цэвэрлэх байгууламжийн дөрвөн ажилтан амиа алдсан харамсалтай хэрэг гарчээ. Сонгинохайрхан дүүргийн 20 дугаар хорооны нутаг дэвсгэрт байрлах Төв цэвэрлэх байгууламжийн ажилчид ажлын байран дээрээ химийн хорт бодист хордож улмаар лаг руу унаж нас барсан байж болзошгүй нөхцөл байдал илэрсэн аж. Уг хэргийн мэдээллийг тус байгууллагын ажилтан цагдаад хандан дуудлага өгсөн бөгөөд  ажилчдын хоёр нь лаг руу унаж үлдсэн хоёр нь араас нь аврахаар ороод   мөн нас барсан байна. Хэргийн газарт НЦГ-ын бие бүрэлдэхүүн болон дүүргийн цагдаагийн алба хаагчид, НЗДТГ-ын төлөөлөл ажиллаж байна.