Цэцэрлэг, сургуулийн багш нарын илүү цагийн мөнгийг бодож олгох, мөн өнгөрсөн 1 дүгээр сараас хойшх илүү цагийг нөхөж олгох шийдвэрийг Засгийн газраас гаргасан нь өнгөрсөн 7 хоногийн төрийн топ шийдвэр байв. Цэцэрлэгийн багш нарын хувьд 07:30-19:30 цаг хүртэл ажиллаж, долоо хоногт 10, сард 40 цаг илүү ажилладаг гэнэ. Оны эхнэээс мөрдөж байсан журмын дагуу цэцэрлэгийн багш нарын илүү ажилласан 24 цагийн нэмэгдэл олгогдохгүйгээр орхигдоод байсан бол өнөөдөр оруулсан нэмэлт өөрчлөлтийн дагуу илүү цагийн нэмэгдэл бүрэн олгогддог болж дээр нь 1,2,3 дугаар сарын орхигдоод байсан илүү цагийн нэмэгдэл нөхөж олгогдохоор болсон байна. Улсын хэмжээнд 2018-2019 оны хичээлийн жилд 1435 цэцэрлэгт 22391 багш, ажилчид ажиллаж байгаа бөгөөд тэдний илүү цагийн нэмэгдэлд 14,755.9 сая төгрөгийг төсөвлөжээ.