Цагдан хорих 461 дүгээр ангид иргэн Б амиа алдсан, Булган аймгийн Булган сумын хаалттай хорих ангийн хоригдлууд осолдож, нэг нь нас барсан зэрэг шалтгаанаар ШШГЕГ-ын дарга Ц.Амгаланбаяр ажлаа өгөх болсон гэдэг. Тэрээр 2019 оны гуравдугаар сарын 20-ны өдөр үүрэгт ажлаасаа чөлөөлөгдөх хүсэлтээ өгсөн. Түүний хүсэлтийн дагуу Засгийн газар шинэ удирдлагыг ийнхүү томилж байна. Эрх зүйч мэргэжилтэй. Хууль зүйн ухааны доктор, 1988-1992 оноос Нийслэлийн Багануур дүүргийн 427 дугаар ангид төлөөлөгч, Ганц худаг, Тахир соёот, Авдрант зэрэг хорих ангиудад төлөөлөгч, дэд дарга, дарга зэрэг алба хашиж байсан Д.Дамдинцэрэнг ШШГЕГ-ын даргаар томилжээ.
Мөн тус газрын тэргүүн дэд дарга, хурандаа М.Алтан-Очирыг өнгөрсөн долоо хоногт чөлөөлсөн. Түүний оронд тэргүүн дэд даргаар хурандаа Г.Элбэгсайханыг томилсон байна.