Томчуулын хайхрамжгүйгээс бага насны хүүхэд осолдох гэмтэх  амь насаа алдах явдал гарсаар байна. Өчигдөр Баянзүрх дүүрэгт бага насны хүүхэд осгож нас барсан харамсалтай хэрэг гарчээ.

“Офицер захын хажууд жаахан хүүхэд машин доогуур хэвтэж байна” гэсэн дуудлага мэдээллийг тухайн хорооны байрны манаач иргэн цагдаагийн байгууллагад өгчээ. Дуудлагын дагуу Баянзүрх дүүрэг дэх цагдаагийн 1 дүгээр хэлтсийн  бүрэлдэхүүн шалгахад  6 настай хүү  гэрийнхээ 3 давхрын цонхоор унаж осгож нас барсан байж болзошгүй нөхцөл байдлыг тогтоосон байна.  

Талийгаач хүү хувийн цэцэрлэгт сурдаг байжээ. Хүүгийн эцэг, эх нь салсан бөгөөд аав нь БНСУ-д ажиллаж хөдөлмөрлөдөг бол хүү Монголд эмээтэйгээ болон авга нартайгаа амьдардаг байсан аж. Уг гэмт хэрэг бага насны хүүхдийг хараа хяналтгүй, үл хайхарснаас үйлдэгдсэн байна. Иймд Эцэг эхчүүд бага насны хүүхдийг харгалзах хүнгүйгээр гэрт нь ганцааранг нь цоожил үлдээхгүй байхыг цагдаагийн байгууллагаас зөвлөж байна.