Хэдхэн хоногийн өмнө МАХН-ын дарга Н.Энхбаярын Сагсай прокурорын сагсайддаг тухай яриа олон нийтийн сүлжээнд тархсан. Тэгвэл өнөөдөр тус намын гишүүн Э.Эрдэнэжамъян Е.Сагсайгийн нүцгэн бичлэгийг дэлгэв. Бичлэгт Улсын ерөнхий прокурорын туслах, Хэрэг бүртгэх, мөрдөн байцаах ажиллагаанд хяналт тавих хэлтсийн даргаар ажиллаж байгаад тун саяхан тэтгэвэртээ гарсан прокурор Е.Сагсай цээж нүцгэн байх бөгөөд "би бүгдийг зохицуулж хорихоос суллах болно" хэмээн хэлж байлаа. Мөн эмэгтэй хүнийг бэлгийн дарамтад оруулсан гэдгээ хүлээн зөвшөөрчээ.

Э.Эрдэнэжамъян “Е.Сагсай бол ерөнхий прокурорын орлогч хүн. Хэрэг бүртгэл, мөрдөн байцаалтад хяналт тавьдаг хүн. Гэтэл энэ дээд албан тушаалтай хүн хэн нэгнийг бэлгийн дарамтад оруулснаа хүлээн зөвшөөрч, бусдын дарамтад орсон тул өөр нэгнийг хэргээс цэвэр авч гарах тухай амлалт өгч байна. Ийм хүн л хууль системийн байгууллагад ажиллаж байна. Хуулийн байгууллагыг цэвэрлэх цаг болсон” гэлээ. Э.Эрдэнэжамъянгийн хэлснээр энэ бичлэг нь хамгийн "цэвэр" нь бөгөөд хэд хэдэн бичлэг байгаа гэнэ.