"Худалдаа хөгжлийн банкны хувьчлалтай УИХ-ын дарга асан М.Энхболд холбоотой" гэдгийг Ерөнхийлөгч асан Н.Энхбаяр батлаад байгаа. Харин түүний хэлсэн үгний хариуд "Улсын Ерөнхийлөгч байсан хүн тийм ор үндэсгүй, баримтгүй, гүтгэлгийн шинжтэй зүйл ярьсанд би харамсч байна. ХХБ-ны хувьчлалыг намайг Ерөнхий сайд байх үедээ оруулж, Засгийн газар дэмжсэн мэтээр ярьсан. Үнэн хэрэг дээрээ ХХБ-ны хувьчлалыг Н.Энхбаяр дарга өөрөө Ерөнхий сайдаар ажиллаж байхдаа хувьчилсан" гэж өөрийн Твиттер хаягаар жиргэсэн юм. 

М.Энхболд "нэр төрөө сэргээлгэхээр холбогдох байгууллагад нь хандана" гэж хэлж байсан ч өчигдөр Н.Энхбаяртай холбоотой асуудлаар  хуулийн байгууллагад хандаагүй байгаагаа мэдэгдсэн. 

Хоёр эксийн хэн нь үнэн яриад байгааг Эрүүгийн цагдаагийн газар удахгүй тогтооно. Эхний удаад  Ерөнхийлөгч асан Н.Энхбаярыг гэрчийн мэдүүлэг өгнө үү хэмээн Эрүүгийн цагдаагаас дуудаад байгаа аж. Юутай ч бас нэг хэргийн мөрөөр Эрүүгийн цагдаа ажиллаж эхэллээ.