Тусгай олимпийн зуны 15 дугаар наадам АНЭУ-ын Абу Даби хотноо болж байна. Монголын багийн 9  дэх медалийг жүдогийн эрэгтэйчүүдийн -66 кг-ийн жинд барилдсан Э.Билгүүн хүртлээ.

Жүдогийн тамирчдын тэмцээн ийнхүү өчигдөр өндөрлөлөө. Тэд хоёр мөнгө, хоёр хүрэл, нэг шагналт тавдугаар байрт шалгарсан амжилт үзүүлсэн юм. Э.Билгүүн одоо 18 настай тэрээр тавдугаар ангиасаа эхлэн жүдогийн спортоор хичээллэжээ. Тусгай олимпийн наадамд оролцохоос ирэхээсээ өмнө тэрбээр Хан-Уул дүүргийн жүдо бөхийн аварга шалгаруулах тэмцээнд орж, медалийн төлөө өрсөлдсөн юм.