Монгол Улсын хэмжээнд нийт 539 банк бус санхүүгийн байгууллага үйл ажиллагаа явуулж байна. Эдгээр ББСБ-ын дийлэнхийн хувьцаа эзэмшигчид нь төрийн албан хаагчид байна, тэр бүү хэл Монголбанкны 22 ажилтан ББСБ-тай тухай сошиалаар мэдээлэл тархаад байгаа нь нийгэмд бухимдал үүсгээд байна.
Харин Монголбанкнаас мэдээлэл хийж "22 ажилтан" гэдгийг үгүйсгэж, ББСБ-тай хамаарал бүхий 5 хүн байгаа хэмээн мэдэгдлээ. Тэрээр төв банкинд ажилладаг хүн ББСБ-тай хамааралтай байх нь зохимжгүй гэж үзсэн тул байгууллагын дотоод журмаар зохих арга хэмжээ тооцсон гэнэ.
“ББСБ-ыг Төрийн албанд ажиллаж байгаа болон УИХ-ын нөлөө бүхий эрхмүүд 100 хувь эзэмшдэг гэж нийгэм ойлгоод байгаа. Гэтэл тухайн хүний эхнэр нь эсвэл нөхөр нь хувьцааны 10 хувийг эзэмшдэг байсан ч ХОМ дээрээ мэдүүлэх үүрэгтэй байдаг. Тэгэхээр тухайн ББСБ нь 100 хувь УИХ-ын гишүүний эсвэл төрийн албан хаагчийнх гэж ойлгож болохгүй" хэмээн СЗХ-ны ББСБ-ын газрын дарга М.Өлзийбат ярьжээ.
