-
АНУ-ын Ерөнхийлөгч Дональд Трамп Вьетнамын Ерөнхийлөгч Нгуен Фу Чонгтой Ханой хотноо уулзлаа. Энэхүү хэлэлцээр АНУ-БНАСАУ-ын дээд хэмжээний уулзалтын хүрээнд, Ерөнхийлөгчийн ордонд болжээ.
АНУ , Хойд Солонгосын төрийн тэргүүнүүдийн дээд хэмжээний уулзалтанд Вьетнам бэлэн болжээ. Уулзалт Ханой хотын эртний зочид буудал болох “Sofitel Legend Metropole”-д болох юм.
Ханой хот аюулгүй байдлыг хангах өндөржүүлсэн бэлэн байдалд шилжсэн байна. Аюулгүй байдлыг хангахын тулд гудамжинд хуягт машинууд ч зогсож байгаа талаар гадны агентлагууд мэдээлж байна.
Уулзалт эхлэх хүртэл хэдхэн цаг үлдээд байгаа энэ мөчид Америкийн Ерөнхийлөгч Твиттер хуудсандаа удахгүй болох хэлэлцээрийн талаар тайлбар хийсэн бөгөөд Ким Жон Уныг “анд нөхөр” гээд Пхеньян цөмийн зэвсэггүй болохыг зөвшөөрсөн тохиолдолд энэ улс хөгжихөд тусална гэж амлажээ.