Франц Улсын өдөр тутмын 8 сонины нэгдэл бүхий “Францын төвийн мэдээ” групп болон үндэсний хөдөө аж ахуйн хэвлэлийн сэтгүүлчдийн урилгаар салбарын гол асуудлаар ярилцав.

 

Монгол оронд эрчимжсэн мал аж ахуйг хөгжүүлэх чиглэлээр баримталж буй бодлого, хэрэгжүүлж байгаа үйл ажиллагаа, малын гаралтай бүтээгдэхүүний экспорт, малын эрүүл мэнд-хүнсний аюулгүй байдал, мал бүртгэлжүүлэлт, мөшгөх систем зэрэг хөдөө аж ахуйн салбарын цахим шилжилт, хүнсний ногооны үйлдвэрлэлийн өнөөгийн байдал, хоршооллыг хөгжүүлэх бодлого, ойрын хугацаанд экспортлох боломжтой хүнсний бүтээгдэхүүн зэрэг өргөн сэдвийн хүрээнд сонирхсон асуултад нь хариуллаа.