Монгол Улсын Ерөнхий сайд У.Хүрэлсүхээс Улаанбаатар хотын Олон улсын нисэх онгоцны шинэ буудлыг ашиглалтад оруулах ажлыг түргэвчлэх чиглэлээр өгсөн үүргийн дагуу Засгийн газрын холбогдох гишүүд амралтын өдрүүдэд Хөшигийн хөндийд ажиллав. Монгол Улсын сайд, ЗГХЭГ-ын дарга Л.Оюун-Эрдэнэ, ЗТХ-ийн сайд Б.Энх-Амгалан, БСШУС-ын сайд Ё.Баатарбилэг нар Хөшгийн хөндийд ажиллаж, Улаанбаатар хотын шинэ нисэх буудлын ажлын явц, нээгдэх хугацааны графикийг нарийвчлан тохирох уулзалтыг ИНЕГ-тай хамтран 2 дугаар сарын 16,17-ны өдрүүдэд зохион байгуулжээ.