Монголын сагсан бөмбөгийн холбооны ерөнхийлөгч Ц.Цэвэрбал нарын төлөөлөгчид мэдээлэл хийж, Монголын сагсан бөмбөгийн холбооны нэрийг барьж зарим хүмүүс залилан хийж байгаа хэмээн мэдэгдлээ. Тэрээр Боловсрол, соёл, шинжлэх ухаан, спортын яамны харьяа Биеийн тамир, спортын газрын дарга Ц.Шаравжамц албан тушаалаа урвуулан ашиглаж, МСБХ-нд олгож буй санхүүжилт нэрийн дор Б.Тамир, О.Баярцогт зэрэг найзууддаа санхүүжилт олгон мөнгө завшсан. Монголын үндэсний олимпын хорооны “Olympic Solidarity” төслийн 80 мянган ам.доллар, Онцгой албан татварын сангаас 20 мянган ам.доллар, БТСГ-аас шигшээ багийн бэлтгэл нэрийн дор 20 мянган ам.доллар зэрэг нийт 300 орчим сая төгрөг завшсан зэрэг үйлдэл нь монголын сагсан бөмбөгийн хөгжилд саад болж байгаа учраас БТСГ-ын дарга Ц.Шаравжамцад хариуцлага тооцохыг шаардаж байна" гэв.