УИХ-ын гишүүн Ж.Батзандан, Л.Болд нар бүлгээсээ гарах хүсэлтээ өгсний дагуу АН бүлэггүй болох нөхцөл үүссэн.  Гэхдээ энэ асуудлыг хаврын чуулганаар хэлэлцж эцэслэх юм.

Ардчилсан нам бүлэггүй болчихвол АН-ын гишүүн УИХ-ын дэд дарга Я.Санжмятав дэд даргынхаа ажлыг өгөх ёстой болох юм. Гэвч тэрээр  “УИХ-ын тухай хуульд нам нь тарсан, эсвэл эвсэл задарсан бол УИХ-ын дэд даргыг чөлөөлсөнд тооцно гэсэн заалт байхгүй. Тэгэхээр бүлэг тарсан ч би ажлаа өгөх хуулийн заалт байхгүй” гэсэн тайлбарыг өгсөн байна. Өөрөөр хэлбэл, суудлаа өгөхгүй гэжээ.  Тэгэхээр энэ асуудал мөн л Цэц дээр очиж мэдэх нь...