Улсын хэмжээнд долдугаар сарын байдлаар 201,235 зөрчлийн хэрэг бүртгэгдсэн нь зургаадугаар сартай харьцуулахад 24.7 хувиар буурсан үзүүлэлт аж. 

Нийт зөрчлийн хэргийн 63.5 хувь нь нийслэлд, 36.5 хувь нь орон нутагт бүртгэгджээ.

Эдгээр зөрчлийн 95.2 хувийг цагдаагийн байгууллага, 4.8 хувийг бусад байгууллагын эрх бүхий албан тушаалтнууд шалгаж, шийдвэрлэсэн байна. 

Дээрх хугацаанд 191,638 хүн, 494 хуулийн этгээд Зөрчлийн тухай хуульд зааснаар шийтгүүлсэн ба өмнөх сараас шийтгэл оногдуулсан хүн 22.5 хувиар, хуулийн этгээд 27.1 хувиар буурчээ. 

Өнгөрсөн долдугаар сард үйлдэгдсэн зөрчлийг зургаадугаар сартай харьцуулахад

• Нийгмийн даатгалын тухай хууль зөрчих зөрчил 63.1 хувь
• Гэр бүлийн хүчирхийлэлтэй тэмцэх тухай хууль зөрчих 53.8 хувь
• Хүүхдийн эрхийг зөрчих зөрчил 43.2 хувь
• Замын хөдөлгөөний аюулгүй байдлын тухай хууль зөрчих зөрчил 23.4 хувь
• Татварын хууль зөрчих зөрчил 12 хувь
• Гаалийн тухай хууль зөрчих зөрчил найман хувиар тус тус буурсныг Улсын Ерөнхий Прокурорын Газраас мэдээлэв.