Хүүхдийн эрхийн тухай хууль Хүүхэд хамгааллын болон Гэр бүлийн хүчирхийлэлтэй тэмцэх тухай хуулийн хэрэгжилтийг хангаж, Нийслэлийн хөгжлийн 2022 оны төлөвлөгөөний 2.7.2-д заасан “Зорилтот бүлгийн эцэг, эхчүүдийг Хүүхэд хүмүүжлийн эерэг аргад сургана” гэсэн заалтын хүрээнд эцэг эхчүүдэд зориулсан өдөр тутам хэрэглэх хүмүүжлийн эерэг аргын сургалтыг 2022 оны 3-5 дугаар саруудад нийт 8 удаа Японы Хүүхдийг ивээх сантай хамтран зохион байгууллаа.

 

Уг сургалтын үндсэн зорилго нь хүүхэд бүрд хамгаалагдах эрхийг эдлүүлэх боломжийг бүрдүүлэхийн тулд эцэг эхчүүдэд хүүхдийн сэтгэл зүйн онцлогийг танин мэдсэний үндсэн дээр хэрхэн хүмүүжүүлэх, тэдэнтэй зөв харилцах дадал чадварыг нэмэгдүүлэх, хүүхдийн хөгжил төлөвшлийнх нь явцад тулгардаг бэрхшээлийг эергээр шийдвэрлэх сэтгэлзүйн мэдлэг, чадвар олгох явдал байсан бөгөөд Чингэлтэй дүүргийн 9,10-р хорооны 30 эцэг, эхийг сургалтад хамрууллаа.

 

Энэхүү сургалт нь 8 долоо хоногийн турш үргэлжилсэн бөгөөд сургалтаар эцэг эхчүүдэд хүүхдээ өдөр тутмын хүмүүжлийн эерэг аргаар хэрхэн хүмүүжүүлэх, хүүхдийн насны онцлог, хэрхэн юу бодож сэтгэдэг, юу мэдэрдэг талаа мэдлэг олгож, арга барилд сургах үе шаттай цогц сургалт юм.

Хүмүүжлийн эерэг аргын сургалтад хамрагдсан эцэг эхчүүд хүүхдүүдийнхээ сэтгэлзүйн онцлог, хүүхэд хүмүүжлийн эерэг аргуудын талаар мэдлэгтэй болсноор хүүхэдтэйгээ харилцах эерэг ур чадварыг эзэмшин, хүүхэд хүмүүжлийн талаарх мэдлэг нь нэмэгдсэн байна. Мөн хүүхдүүдтэйгээ хэрхэн дотносох, хүүхдээ сайн ойлгодог болох, хүүхдийн нас, сэтгэл зүй, хөгжилд тааруулан эерэг харилцах зэрэг эцэг эх байх чадамжийг нь нэмэгдүүлэх, гэр бүлийн харилцааг бэхжүүлж чиглүүлэх арга барилд суралцсан байна.

 

Уг сургалтын чиглүүлэгчээр Хүүхдийн хөгжил хамгааллын хэлтсийн мэргэжилтэн Х.Оюунтуяа, Б.Батчимэг нар ажиллалаа.

 

 

 

 

Нийслэлийн Гэр бүл, Хүүхэд, Залуучуудын хөгжлийн газар