УИХ-ын намрын чуулганыг энэ сарын 21-ний баасан гарагт хаахаар төлөвлөж байна. Шаардлагатай бол долоо хоногоор сунгаж болзошгүй.

Намрын чуулганаар 73 хуулийн төсөл хэлэлцэхээр төлөвлөжээ.

УИХ-ын намрын ээлжит чуулган аравдугаар сарын 1-нд эхэлсэн. УИХ-ын тухай хуулийн 18.1-т “Улсын их хурлын намрын ээлжит чуулган аравдугаар сарын 1-нээс, хаврын ээлжит чуулган гуравдугаар сарын 15-наас тус тус эхлэн 75-аас доошгүй ажлын өдөр чуулна” гэж заасан.

Энэ удаагийн чуулганаар 2022 оны Улсын төсвийн тухай хуулийг баталж, криптоюлютыг хуульчлав. Ойрын хугацаанд Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай болон Шинэ сэргэлтийн бодлого хэрэгжүүлэх тухай УИХ-ын тогтоолууд, Холбооны эрх зүйн байдлын тухай, Сангийн эрх зүйн байдлын тухай хуулийн төслүүдийг батлах юм.