Төв аймгийн Зуунмод хотын ИТХ-ын шийдвэрээр Зуунмод хотын Соёлын төвийг Гавьяат жүжигчин, Зууны манлай хос дуучин С.Вандан, Д.Дуламсүрэн нарын нэрэмжит болгожээ. Энэ шийдвэрийг Зуунмод хотын Засаг дарга бөгөөд Хотын захирагч Ч.Сарангэрэл хос гавьяатад танилцуулж, баяр хүргэв.

Төв аймгийн хоёр гавьяат энэ театраас ажил, амьдралын гараагаа эхлүүлэн, өнөөг хүртэл 50 гаруй жил тасралтгүй уран бүтээлээ туурвиж, ард олондоо урлагийн соёлын үйчилгээ үзүүлсээр байгаа билээ.