Чөлөөт бөхийн Азийн АШТ-ий эрэгтэйчүүдийн 92 кг-ын жинд “Хангарьд” спорт хорооны тамирчин ОУХМ Мөнхбаатарын Цогтгэрэл Шинэ Делигийн дэвжээнээс манай эрэгтэй бөхчүүдээс цорын ганц хүрэл медалийг авчирлаа.

М.Цогтгэрэл 1/4 шигшээд БНСУ-ын Ли Сун Доныг оноогоор цэвэр (11:0), ялсан ч хагас шигшээд 2018 оны залуучуудын Азийн АШТ-ий мөнгөн медальт, Японы Такүма Оцүд 1:11-ээр ялагдсан. Хүрэл медалийн төлөөх барилдаанд Кыргызстаны Чингиз Керимкуловыг оноогоор цэвэр (11:1) яллаа.