Ардчилсан намын шинэчлэлийн хөдөлгөөний тэргүүн П.Галиндэв өнөөдөр мэдэгдэл хийлээ.
Тэрээр, "Улс төрийн намуудыг хувьчлан өмчилж, хууль шүүхийн байгууллагад эрх мэдлээ тогтоосон МАНАН бүлэглэлийн хүч сулраагүй байна. Тэд АН-ын удирдлагад байршиж, ээлжит сонгуулиар дахин эрх мэдэл авахаар бэлтгэлээ базаагаад байна. Тэд мөнгөтэй, эрх мэдэлтэй, хугацаагаар засаглах хүсэлтэй.
Эх орноосоо зугтсан, авлига, албан тушаалын гэмт хэрэгт холбогдсон, МАНАН бүлэглэлийн толгойлогч болох Ц.Элбэгдорж, Ч.Сайханбилэг, С.Эрдэнэ, М.Энхболд нарт нэн яаралтай хуулийн хариуцлагыг нь хүлээлгэх хэрэгтэй. Авлигачидтай тэмцэхгүйгээр нийгэмд шударга ёс тогтохгүй" гэлээ.