Лу.Гантөмөрийн охины бухимдал
2018/11/20

УИХ-ын гишүүн асан Лу.Гантөмөрийн охин Г.Ганзаяа гудамжны бүжигчин Төөгөөтэй үерхэх болсноор олны анхааралд ихэд өртөх болсон. Тэрээр Нью-Йорк хотод эдийн засаг, бизнесийн чиглэлээр суралцаж буй бөгөөд түүнийг олон нийт аавынхаа мөнгөөр туйлж явна хэмээх нь бий. Харин тэрээр үүнийг эрс эсэргүүцдэг бөгөөд "Арай аймар гүтгэх юм аа. Үнэхээр өөр шиг чинь хүмүүст өөрийн хөдөлмөрөөр амьдарч болдгийг хэчнээн үлгэрлээд харуулсан ч хэзээ ч өөрчлөгдөхгүй нь харамсалтай. ДМ бичээрэй, би бүр бүх хамтарч ажилласан юмнуудаа явуулсан ч яахав. Ийм их хэрэгтэй, хэрэгцээгүй юм өөрийн мөнгөөр авч үрдэг тийм мулгуу биш ээ. Тэгж байснаас нэг мөсөн байр машин нь дээр байлгүй. Энэ зарим бэлгэнд авсан юм аа ч онлайнаар зараад мөнгө болгодог. Луйврын мөнгө гэж юу ч яриад байгаа юм. Төрд ажиллахаа болиод ч удаж байна. Ер нь төрд ажилласан хүн болгоныг шүүдэг та нар хэн юм бэ? Бизнест ч та нарыг луйвардаад явж байгаа хүмүүс ч зөндөө байгаа. Үгээ мэдэж яриарай. Манайх тэглээ ч тийм баян айл ч биш. 2 өрөө байранд дөрвүүлээ амьдраад дундаа нэг машинтай амьдарч байна даг. Одоо бол үнэхээр энэ хачин гүтгэлэг ярианд чинь залхаж байна. Сайн яваа нэгнээ дэмжиж чадахгүй юм бол зүгээр хараад суу" хэмээсэн байна. Тэрээр инстаграм хуудаснаа хамтарч ажилладаг байгууллагуудаа сурталчлан нэг постоо 500 долларын хөлстэйгөөр оруулдаг ажээ. Мөн "Make Up" артист хийдэг бөгөөд нэг моделийг 50-80 доллараар буддаг байна. Харин "Nail artist" хийх үедээ нэг хүнд ойролцоогоор 200 орчим долларын өртөгтэйгөөр үйлчилгээ үзүүлдэг бөгөөд өөрийн сонирхлоороо эдгээр зүйлсийг хийдэг аж. 

 

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404