АНУ-ын спорт хувцасны Nike компани өмсөж, тайлахад хялбар гутал зохион бүтээснээ өчигдөр танилцуулжээ.

"Go Flyease" нэртэй энэ гутал нь үдээсгүй бөгөөд гарын оролцоогүйгээр өмсөж, тайлах технологитой юм. Шинэ гутал нь хоёрдугаар сарын 15-ны өдөр Nike компанийн вэбсайтаар зөвхөн бүртгэлтэй гишүүдэд $120-ын үнээр зарагдаж эхлэх гэнэ. Харин энэ оны сүүлээр нийт зах зээлд борлуулагдаж эхлэх ажээ.Тус компани анх удаа шинэ бүтээгдэхүүнээ борлуулагчаар дамжуулалгүй вэбсайтаараа шууд зарж байгаа нь энэ юм. Nike компанийн сүүлийн улирлын борлуулалт 84 хувиар өссөн нь цар тахлын үеэр хөл хорионд байгаа хүмүүс чөлөөт хувцас илүү их худалдаж авах болсонтой холбоотой гэнэ.

Эх сурвалж: CNN