Үе тэнгийн дээрэлхэлт, дарамт нь хүүхдийн эрх тэр дундаа боловсрол авах, эрүүл байх, хамгаалагдах эрхийг зөрчиж байна.

Үе тэнгийн дээрэлхэлтэд өртсөн хүүхдийн сурлагын амжилт, бие бялдар, сэтгэцийн эрүүл мэнд, сэтгэл санааны байдал сөрөг, тогтворгүй болж улмаар хүүхэд сурах сонирхолгүй болох, хичээлдээ муудах, сэтгэлийн түгшүүр, айдастай болж эхэлдэг. Хүүхэд сургууль дээр зохион байгуулагдаж буй хичээлдээ болон бусад үйл ажиллагаанд оролцох сонирхолгүй болж, шинжлэх ухааны хичээлдээ муудаж, их дээд сургуульд суралцах магадлал буурдаг.