2022 оны байдлаар “Сургуулийн автобус” төслийн хүрээнд нийслэлийн 4-н дүүргийн 3-н аж ахуй нэгж байгууллагын 23 автобус 23-н чиглэлд үйл ажиллагаа явуулж байна.

 

Иймээс тус төсөлд хамрагдаж буй нийтийн тээврийн үйлчилгээ эрхлэгч аж ахуй нэгж, байгууллагуудын 23 жолооч, сургуулийн автобусны үйлчилгээнд хяналт тавин ажиллаж буй 23 “Хүүхэд зохицуулагч”, 10 сургуулийн нийгмийн ажилтнуудад 2022 оны 09 дүгээр сарын 22-ны өдөр Нийслэлийн Гэр бүл, хүүхэд, залуучуудын хөгжлийн газар, Нийслэлийн Нийтийн Тээврийн газар, Нийслэлийн Боловсролын газар, Тээврийн цагдаагийн албатай хамтран хүүхдийн эрх, хүүхэд хамгааллын тухай мэдлэг, мэдээллийг нэмэгдүүлэх аюулгүй ажиллагаа, сахилга хариуцлагыг дээшлүүлэх чиглэлээрх сургалтыг зохион байгууллаа.

 

 

Эх сурвалж: Нийслэлийн Гэр бүл, Хүүхэд, Залуучуудын хөгжлийн газар