АНУ-д сүүлийн жилүүдэд байгаагүйгээр хүйтэрч өвлийн цасан шуурга 200 сая хүнийг мөстлөгийн үед аваачжээ. Шуурганы улмаас 12 хүн амь үрэгдээд байна.

Түүнчлэн 1.5 сая хүн цахилгаангүй болж хэдэн мянган нислэг цуцлагджээ. Өмнөд Дакота мужид түлш дууссаны улмаас зарим иргэд хувцсаа шатаасан байна.

Канадын Онтарио, Квебект цахилгаан тасарсан бол шуурганы эргүүлэг Техасаас Мейн хүртэлх 3200 км зайг хамарчээ. Агаарын хэм Монтанад Цельсийн -45 градус хүрсэн ба Мичиган, Нью Йорк, Буффалод 89 см зузаан цасан давхарга үүсэх төлөвтэй байна.