Уяачдын наадмын нээлт өнөөдөр Хүй долоон худгийн “Монгол наадам” цогцолборт болов. Соёл Урлагийн Их Сургууль (СУИС), Монголын Урлагийн Зөвлөл (МУЗ), соёлын өв тээгчид, уран бүтээлчид зэрэг 200 гаруй хүн хамтран тус наадмыг зохион байгуулж байна.

Наадмын нээлтийн үеэр Шадар сайд С.Амарсайхан "Жил бүрийн долдугаар сарын 13-ны өдөр уяачдын наадмыг зохион байгуулдаг уламжлалтай. Монгол орны өнцөг булан бүрээс уяачид, унаач хүүхдүүд маань зорин иржээ. Нар хур тэгширсэн энэ өдөр наадамчин олны сэтгэлийг баясгасан уяачдын наадмыг ёслол төгөлдөр тэмдэглэж байна" гэлээ.