ОУВС-гийнхан Монголд ажиллаад, хөтөлбөрийн хэрэгжилтэд үнэлэлт дүгнэлт хийж, цаашид хэрэгжүүлэх арга хэмжээний талаар хэлэлцээд буцсан байна. Засгийн газар энэ уулзалтын хүрээнд  цалин нэмэх асуудлыг шийднэ гэж байв. Энэ талаар ХНХ-ын сайд С.Чинзориг "ОУВС-гийн төлөөлөл Монголд ирж ажиллаад, Засгийн газартай хэлэлцээр хийгээд буцсан. Бид Сангийн яам, МҮЭХ-той ярьж байгаад ирэх долоо хоногийн эхээр гурван талт хэлэлцээрээ үргэлжүүлье гэсэн саналтай байна. Ирэх долоо хоногоос Засгийн газарт цалин нэмэх асуудлыг оруулна" гэлээ.