Хоёр хоногийн өмнө Шведэд нэгэн томоохон хэрэг гарсан. Хар хувцас өмсөж, нүүрээ халхалсан багтай бүлэг этгээдүүд 80 гаржуй машиныг галдан шатаажээ.  Тус улсын Ерөнхий сайд Стефен Лёвен энэхүү балмад үйлдлийн хариуг өгөх болно гэдгээ хатуу мэдэгджээ. Үнэндээ энэ явдал түүнийг маш их уурлуулж, бухимдуулсан гэдгийг тэрбээр өгүүлсэн байна. 

Лёвен өөрийн твиттер дэх хуудсан дээр галдан шатаагдсан хэд хэдэн машины зургийг тавьжээ. Үл таних этгээдүүд Шведийн баруун өмнөд хэсэгт орших Гётеборг хотын ойролцоо 80 гаруй машин шатаасан ч азаар хүний амь хохироогүй юм.