Германы “Их дуулга” Монголын жүдо бөхийн шигшээ багийн тамирчид хүч үзнэ
2020/02/21

Германы Дюссельдорф хотноо өнөөдрөөс 23 хүртэл болох “Их дуулга” тэмцээнд Монголын жүдо бөхийн шигшээ багийн тамирчид хүч үзнэ.

Тодруулбал, Монголын үндэсний шигшээ багийн эрэгтэйчүүдээс 60 кг-ын жинд Дэлхийн аварга, гавьяат тамирчин Г.Болдбаатар, ОУХМ Э.Ариунболд, 66 кг-ын жинд ОУХМ Г.Хэрлэн, Ё.Басхүү, 73 кг-ын жинд ОУХМ Г.Одбаяр, Ц.Цогтбаатар, 81 кг-ын жинд Моллай Сайед (Иран жүдоч, Mollae Saed), ОУХМ О.Ууганбаатар, 90 кг-ын жинд ОУХМ Г.Алтанбагана, -100 кг-ын жинд ОУХМ Л.Отгонбаатар, +100 кг-ын жинд ОУХМ Ө.Дүүрэнбаяр, О.Цэцэнцэнгэл нар хүчээ сорих юм.

Харин эмэгтэй жүдочдоос 48 кг-ын жинд ОУХМ Г.Наранцэцэг, 60 кг-д ОУХМ Л.Сосорбарам, 66 кг-ын жинд ОУХМ Б.Хорлоодой, “Рио-2016” олимпын мөнгөн медальт, дэлхийн аварга, хөдөлмөрийн баатар, гавьяат тамирчин Д.Сумьяа, 73 кг-ын жинд ОУХМ Б.Ганхайч, Ц.Наранжаргал, -81 кг-ын жинд ОУХМ О.Мөнхцэцэг, Э.Гандиймаа нар барилдана.

Энэхүү тэмцээнд 120 орны 718 жүдоч хүч, ур чадвараа сорихоос эрэгтэй 427, эмэгтэй 291 тамирчин өрсөлдөхөд бэлэн болжээ.

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404