УИХ дахь МАН-ын бүлгийн дарга Д.Тогтохсүрэн УИХ дахь МАН-ын бүлэг хуралдааны талаар сэтгүүлчдийн асуултад хариулав. Тэрбээр:
-МАН-ын бүлэг ээлжит бус хурал хийж, УИХ-ын гишүүн Н.Номтойбаярын бүрэн эрхийг түдгэлзүүлэх саналыг хэлэлцлээ. Ерөнхий прокурор байлцсан. УИХ-ын гишүүн Н.Номтойбаяр байсан. Асуулт тавьж, хариулт авлаа. Халдашгүй байдлын дэд хорооны гишүүдийг сонслоо. Бүлгийн хуралдаан түр завсарлалаа. Халдашгүй байдлын дэд хороо өнөөдөр 15:30 цагт хуралдана. Дараагаар нь МАН-ын бүлэг хуралдана.
-МАН-ын дарга У.Хүрэлсүх байр сууриа хэлсэн үү?
-Намын дарга албан ёсоор байр сууриа илэрхийлсэн. Намын дарга У.Хүрэлсүх Н.Номтойбаяр гишүүнийг өөрөө хүсэлтээ гаргаад, бүрэн эрхээсээ түдгэлзээд, шалгуул гэсэн санал тавьсан. Н.Номтойбаяр гишүүн өөрөө эргэж бодъё гэсэн.