Булган сумаас зүүн тийш Баянзагийн хоолойд их хэмжээний үер буусан байна.  Жуулчдын машин үерт осолдсон дуудлагаар сумын онцгой комисс 4 машин 20 орчим хүний бүрэлдэхүүнтэй хоёр өдөр ажиллажээ. Онцгойгийнхон нийт 30 гаруй машиныг ус шавраас гаргасан байна. Одоогоор усны түвшин бага зэрэг буурсан хэдий ч их хэмжээний шавар тогтсон тул ойрын өдрүүдэд жолооч, аялагч иргэдийг Баянзагийн хоолойгоор нааш цааш зорчихгүй байхыг сумын онцгой комиссоос анхааруулжээ.