Хяналт шалгалтаар Сонгинохайрхан дүүргийн 33 дугаар хороонд байрлалтай “Үүрд мөнхжин бадрана” ХХК-ийн “Эх жаргалан” худалдааны төвд “Мөнхжин-Од” ХХК-ийн Хандгай нэрийн архийг хураан авч, холбогдох арга хэмжээг авч байна.

Уг архийг үйлдвэрлэдэг "Мөнхжин-Од" ХХК-ийн тусгай зөвшөөрлийг Монгол Улсын Засгийн газрын 2019 оны дөрөвдүгээр сарын 03-ны өдрийн 130 дугаар тогтоолоор хүчингүй болгож, цуцалсан болно.

Иймд худалдаа үйлчилгээ эрхэлж буй иргэд аж ахуйн нэгж байгууллагууд "Хандгай" нэрийн архийг худалдан авахгүй байхыг анхааруулж байна.

Эх сурвалж: НМХГ