Баянзүрх дүүргийн Тамгын газрын дарга Б.Амартүвшингийн ажлын өрөөнд дөнгөж сая үл таних этгээд дайран орж, биед нь халджээ. Энэ талаар албан бус эх сурвалжаас тодруулахад, "Өнөөдөр 11.00 цагийн орчимд ажлын өрөөнд нь үл таних этгээд дайран орж биед нь халдсан. Хэргийн газарт яг одоо дүүргийн Цагдаагийн алба ажиллаж байгаа учир дэлгэрэнгүй мэдээлэл өгөх боломжгүй. Тамгын газрын дарга Б.Амартүвшинд Түргэн тусламжийнхан ирж,  анхны тусламж үзүүлэн, эмнэлэг рүү авч явсан" гэв. Эх сурвалжийн мэдээлснээр хэрэг үйлдсэн этгээд 62 настай тус дүүргийн иргэн ажээ