Их Британийн арми цэргүүдийн үйлдсэн гэмт хэргийг нууж байжээ
2019/11/18

Их Британийн цэргүүд Ирак болон Афганистанд цэргийн гэмт хэрэг үйлдэж тэр дундаа энгийн иргэдийг эрүүдэн шүүж, амийг нь хөнөөсөн байж болзошгүй бөгөөд иймэрхүү үйлдлийг нь Их Британийн цэргийн удирдлага нуусан байж магадгүй байгаа тухай нууц баримт бичгүүдэд дурдсан байна.

 

Их Британийн Зэвсэгт хүчний тусгай хэлтэс болох Агаарын десантын тусгай албаны /SAS/ бүрэлдэхүүнд багтдаг цэргүүдийн нэг нь хүн амины хэрэг үйлдсэн тухай болон Шотландын “Black Watch” цэргийн анги хэлтсийн дайчид хоригдлуудыг зодож, эрүүдэн шүүж, бэлгийн хүчирхийлэл үйлдсэн тохиолдлуудын талаар Ирак, Афганистан дахь Их Британийн цэргүүдийн үйлдлийг мөрдөн шалгах ажиллагаа явуулсан цэргийн мөрдөн байцаагчдын мэдэгдсэнийг “Sunday Times” сонин болон “Би-би-си” телевиз иш татан мэдээлсэн байна.

 

Мөрдөн шалгах ажиллагааг гурван хэрэг дээр төвлөрүүлэн явуулж байгаа аж. Тодруулбал, “SAS”-н тусгай хүчний ажилтан 2012 онд Афганистанд гурван хүүхэд, нэг залууг буудан хөнөөсөн, 2003 онд Иракийн Басра хотын шоронгийн хоригдлуудыг  дээрэлхэж, хоёр хүний аминд хүрсэн, 2003 онд Иракийн цагдаагийн амийг хөнөөсөнтэй холбоотой хэргүүдийг мөрдөн шалгаж байна. 

 

Эх сурвалж: Монцамэ

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404