Францад 140 мянган байшин гэрэл цахилгаангүй болжээ
29 өдрийн өмнө

 Францын зүүн өмнөд нутагт их хэмжээний цас унасны улмаас 140 мянга орчим байшин гэрэл цахилгаангүй болж, нэг хүн амиа алджээ.

 

Их хэмжээний цас орсны улмаас Ардеш мужийн цахилгаан дамжуулах шугамд гэмтэл гарч, 60 мянга гаруй оршин суугч гэрэл цахилгаангүй болсон гэж өмнө нь мэдээлсэн байна.

 

“Дром, Изер болон Ардеш мужид 140 мянган байшин гэрэл цахилгаангүй болсон. Манай засварын багийнхан гэмтлийг засахаар ажиллаж байна” гэж цахилгаан хангамжийн “Enedis” компанийн мэдэгдэлд дурджээ.

 

Телевизийн BFMTV сувгаар мэдээлснээр, Изер мужид цасанд дарагдсан мод машин дээр унасны улмаас нэг хүн амиа алдсан байна.

 

Пүрэв гарагт Францын долоон бүс нутагт их хэмжээний цас орж буйтай холбоотойгоор аюулын “улбар шар” түгшүүрийг зарлажээ.

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404