Хонконгийн сургуулиуд өнөөдөр хичээллэхгүй
2019/11/14

 Хонконгийн цагдаагийн ажилтнууд болон жагсагчдын дунд үүссэн мөргөлдөөн үргэлжилж буйн улмаас сургуулиудын үйл ажиллагааг пүрэв гарагт түр зогсоохоор болжээ.

 

Засгийн газрыг эсэргүүцсэн жагсагчид замын хөдөлгөөнийг хязгаарлах талаарх нийгмийн сүлжээн дэх уриалгыг биелүүлж, даваа гарагаас хойш автобус, метроны үйлчилгээг тасалдуулжээ. Хонконгийн Засгийн газар сурагчдын аюулгүй байдлыг баталгаажуулах үүднээс цэцэрлэгээс өгсүүлээд ахлах сургуулийн үйл ажиллагааг пүрэв гарагт түр зогсоох шийдвэрийг гаргасан байна.

 

Мөн Хонконгийн Хятадын их сургууль зэрэг зарим их сургуульд мягмар гарагт олон мөргөлдөөн үүссэнтэй холбогдуулан өвлийн амралт хүртэлх бүх хичээлийг цуцалсан байна. Энэ улирлын өвлийн амралт хоёр долоо хоног гаруйн дараа эхлэх ажээ.

 

Түүнчлэн дээрх их сургуулийн эх газрын Хятад болон Тайванийн сурагчид аюулгүй байдлаа хамгаалах үүднээс Хонконгийг орхиж эхэлсэн талаар олон нийтийн хэвлэл мэдээллийн хэрэгслүүд мэдээлсэн байна. Жагсагчид зам тээврийн хөдөлгөөнийг пүрэв гарагт мөн тасалдуулахыг уриалжээ. 

 

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404