МҮОХ-ны Гүйцэтгэх зөвлөл хуралдаж, МҮОХ-ны ерөнхийлөгч Д.Загдсүрэнг ажлаас нь чөлөөлжээ. Д.Загдсүрэн  эрүүл мэндийн байдлаас шалтгаалан ажлаас чөлөөлөгдөх хүсэлтээ өгсөн байна.

Уг хүсэлтийг МҮОХ-ны Гүйцэтгэх зөвлөлийн гишүүд хэлэлцээд МҮОХ-ны Ерөнхийлөгчийн ажлыг тэргүүн дэд ерөнхийлөгч Б.Баттүшигт түр хариуцуулахаар шийдвэрлэжээ. Мөн МҮОХ-ны Ерөнхийлөгчийг сонгох сонгууль явуулахтай холбоотой ээлжит бус гишүүдийн хурал зарлан хуралдуулах асуудлыг ойрын үед Гүйцэтгэх зөвлөлийн хурлаар хэлэлцэж шийдвэрлэхээр болов.

Эх сурвалжийн мэдээлж байгаагаар Д.Загдсүрэн нь допингийн асуудалд орооцолдсон бөгөөд тамирчиддаа хүчээр допинг шахдаг гэх хэл аманд ороод буй. Энэ асуудал нь Гүйцэтгэх зөвлөлийн өмнөх хуралдаанаар ч яригдаж байсан аж.