Катар улсын Доха хотноо эхэлж байгаа Хөнгөн атлетикийн 2019 оны дэлхийн аварга шалгаруулах тэмцээнд Манай улсаас өнөөдөр Б.Мөнхзаяа, Г.Хишигсайхан нар уралдах бол эрэгтэй марафоны тамирчид 29-ний ням гарагт уралдана. Хөнгөн атлетикийн 17 дахь удаагийн ДАШТ энэ сарын 27-ноос ирэх 10 дугаар сарын 6-нд болох бөгөөд 209 орны баг, тамирчид оролцож байна.
Монгол Улсаас марафон гүйлтийн төрөлд Монгол Улсын гавьяат тамирчин, 2013 оны Ази тивийн АШТ-ий алтан медальт Б.Сэр-Од, ОУХМ Ц.Бямбажав, Б.Мөнхзаяа, Г.Хишигсайхан нар дасгалжуулагч Б.Доржпалам, О.Оюунтуяа нарын удирдлага дор оролцож байгаа юм.
Гавьяат Б.Сэр-Одын хувьд 9 дэх ДАШТ-дээ хурдаа сорьж буй түүний хувийн дээд амжилт нь 2 цаг 08 мин 50 сек байдаг. Энэ амжилт олимп, дэлхийн аваргуудын үзүүлдэг амжилттай дүйж байгаа юм.