Монголын волейболын холбооноос зохион байгуулж буй 2019 оны залуучуудын УАШТ спортын төв ордонд үргэлжилж байна. Энэ сарын 29 хүртэл үргэлжлэх тус тэмцээнд эрэгтэй 11, эмэгтэй 9 багийн нийт 250 гаруй тамирчид ур чадвараа сорин өрсөлдөж байна.

Даваа гарагт УАШТ-ий нээлтийн ёслол болж Монголын волейболын холбооны удирдлагууд оролцон баг тамирчдад амжилт хүслээ.

Тэмцээний хэсгийн тоглолтууд бямба гараг хүртэл үргэлжлээд хагас шигшээ болон шигшээ тоглолт ирэх амралтын өдрүүдэд болж шилдгүүдээ тодруулна.