NASA нэгэн хачирхалтай хэргийг шалгахаар болжээ. Нисгэгч эмэгтэй сансарт гэмт хэрэг үйлдсэн байж болзошгүй байгааг тогтоосон гэнэ. Нисгэгч бүсгүй сансарт байхдаа салсан нөхрийнхөө данс руу нэвтэрсэн аж. Тэрбээр энэхүү хэргээ хүлээн зөвшөөрсөн ч ямар нэгэн буруу зүйл хийгээгүй хэмээн мэдэгдээд байна. Олон улсын сансрын станцад Канад, Орос, Америк, Япон болон Европын хэдэн улсын сансрын агентууд байдаг бөгөөд тухайн улсын иргэн сансарт ямарваа нэгэн гэмт хэрэг үйлдвэл тэр улсынхаа хуулиар шийтгүүлдэг юм байна. Данс руу нэвтрэх төдийд шалгаж байгаа нь хууль бус зүйл огт хийж болохгүй гэдгийг сануулсан хэрэг болжээ.