Нийслэлийн төрийн өмчийн цэцэрлэгт шинээр элсэх хүүхдийн бүртгэл энэ сарын 22-нд хаагдаж, тэнцсэн эсэх талаарх мэдээллийг тухайн хүүхдийн эцэг, эхийнх нь гар утсанд илгээж дуусчээ.

Хэрэв гар утсандаа цэцэрлэгтээ “тэнцсэн” гэх мэдээллийг хүлээн авсан бол наймдугаар сарын 26-нд буюу өнөөдөр 09.00-17.00 цагийн хооронд бүртгэлээ баталгаажуулан, харъяа цэцэрлэг дээрээ очиж баталгаажуулалтаа хийлгэх юм.

Цахим элсэлтэд сонгогдсон хүүхдийн баталгаажуулалтыг цэцэрлэг дээр нь очиж хийлгэхдээ дараах материалыг бүрдүүлнэ.

• Хүүхдийн төрсний гэрчилгээний хуулбар
• Эцэг, эхийн иргэний үнэмлэхийн хуулбар
• Хүүхдийн 2 хувь цээж зураг
• Хорооны тодорхойлолт

Дашрамд, 2019 оны наймдугаар сарын 23-ны буюу бүртгэл хаах хүртэлх хугацаанд нийслэлийн хэмжээнд 31340 хүүхдийг цэцэрлэгийн бүртгэлд бүртгүүлжээ. Тодруулбал,

• Хоёр настай 19764
• Гурван хүүхэд 4918
• Дөрвөн настай 3525
• Таван настай 3133 хүүхэд энэ удаагийн цэцэрлэгийн бүртгэлд хамрагдсан байна.