“Disney” компанийн уран бүтээл "Avengers: Endgame" кино Хойд Америкийн шилдэг кинонуудын жагсаалтыг гурав дахь долоо хоногтоо дараалан тэргүүлсэн байна.

"Avengers: Endgame" киноны нийт орлогын хэмжээ өнгөрсөн долоо хоногийн ням гарагийн байдлаар 2.48 тэрбум ам.долларт хүрсэн гэж “Comscore” судалгааны байгууллагаас мэдээлжээ.

Энэхүү кино нь бүх цаг үеийн хамгийн их ашиг орлого олсон кинонуудын хоёрдугаарт жагсах болсон бөгөөд алдарт найруулагч Жеймс Камероны “Avatar” кино /2.8 тэрбум ам.доллар/ уг жагсаалтыг тэргүүлдэг ажээ.