Монгол Улсын Ерөнхийлөгч Х.Баттулга өнөөдөр Улсын дээд шүүхийн Ерөнхий шүүгчээр Х.Батсүрэнг томилох зарлиг гаргалаа. Улсын Дээд шүүхийн шүүгч нарын зөвлөл /2019.05.07/ хуралдаж, Ерөнхий шүүгчид Х.Батсүрэн олонхын санал авч, Ерөнхийлөгчид танилцуулсан бөгөөд ийнхүү Ерөнхий шүүгчээр томилох зарлиг гаргажээ.

Ерөнхий шүүгч Х.Батсүрэн нь 1965 онд Увс аймгийн Улаангом суманд төрсөн. 54 настай, эрэгтэй.

Боловсрол:

• 1973-1983 онд Хэнтий аймгийн 10 жилийн дунд сургууль
• 1984-1989 онд ЗХУ-ын Дотоод явдлын яамны Академи
• 1997-1999 онд ХБНГУ-д Их сургуулийг тус тус төгссөн. Эрх зүйч мэргэжилтэй.

Ажилласан байдал:

• 1989-1990 онд Хэнтий аймгийн Цагдан сэргийлэх ангид төлөөлөгч
• 1990-1995 онд Баянгол дүүргийн Цагдаагийн хэлтэст төлөөлөгч
• 2000-2004 онд Шүүхийн ерөнхий зөвлөлд мэргэжилтэн
• 2004-2011 онд Нийслэлийн захиргааны хэргийн шүүхийн шүүгч
• 2011 оноос тус Шүүхийн Ерөнхий шүүгчээр
• 2012 оноос Улсын дээд шүүхийн шүүгчээр тус тус  ажиллаж байгаа. Шүүгчээр 15 жил ажиллаж байгаа нэгэн аж.