Сумо бөхийн их аварга Хакүхо М.Даваажаргал Рэйва эриний анхны башёг өнжихөөр болжээ. Тэрбээр өмнөх башёгийн үеэр баруун гартаа бэртэл авсан байна. Энэхүү бэртэл нь сайн эдгээгүй бөгөөд Хакүхо М.Давваажаргал өчигдөр  эмчийн үзлэгт ороход нь гэмтлийг бүрэн эдгээхэд гурван долоо хоног шаардлагатай гэсэн хариу хэлсэн учраас дээрх шийдвэрийг гаргажээ. Тэрээр их сэтгэл гонсойж байгаагаа илэрхийлсэн байна. Хакухогийн гэмтлийг ямар нэгэн мэс заслын аргаар эдгээх боломжгүй бөгөөд булчин нь өөрөө түрж эдгэхийг хүлээх хэрэгтэй. Ямар нэгэн хүчний дасгал хөдөлгөөн хийж болохгүй гэж эмч нар хэлжээ.