УИХ-ын Хууль зүйн байнгын хороо  Улсын ерөнхий прокурорын орлогч нарыг зөвшилцөх тухай асуудлыг  хэлэлцлээ. Ерөнхийлөгчөөс М.Чинбат, С.Алиманцэцэг нарыг прокурорын орлогчоор томилох тухай саналаа зөвшилцөхөөр ирүүлсэн.  Ерөнхийлөгчийн саналыг байнгын хорооны хуралдаанд оролцсон гишүүдийн олонх дэмжлээ.  С.Алиманцэцэгийг дэмжиж, М.Чинбатыг дэмжихгүй гэсэн байр суурийг МАН-ын бүлгийн гишүүд өмнө нь илэрхийлж байсан ч байнгын хорооны хуралдаанд нэг байр суурьтай орж иржээ.  Улсын Ерөнхий прокурорын орлогч нарыг зөвшилцөх саналыг чуулганы хуралдаанд шилжүүллээ.